لك حصرية ... كلمة نحبك ياعزيز عليا ... ماقلتها من قبل
ياما فيها
كلمة على لسانـى ونا نعنيها
ما والى سمعها قبل لك نهديها
فيها مشاعر صادقة و نقية
نا قلتها نقصـــــــد وقاصد بيها
انك ملكت الروح ســـاكن فيا
وكبرت فى عينى اغليت عليها
وتميت عندى شى ما فى زيه
الله يربحك هالعين ما تبكيها
ولاتـغـــدره قلبــــى وتلعب بيا
انت وبس
تميت بيها معـــاك ديما انحس
مـــا نريد نكميها عليك اندس
يكفى سنين وعمر هى مخفية
وين قالها لسانى خذيت نفس
وواطيت عينى من عيونك ليا
وحسيت عمرى ف الزمان نقص
وانــى معـاك انعيش عـندى نية
والقيتك زها روحى معاى ونس
وبيرك روانى فـى الحياة حنية
الأحد 15 أبريل - 17:42 من طرف CooL BoY
اليومية
